كيفية استخراج كارنيه النقابه

عايز تطلع كارنيه النقابه علشان تبقى محامى

بسيطه

روح النقابه اسحب ورقه القيد
شوف الورق المطلوب
روح جهزه

روح البنك اسحب فلوس كتير
اعمل الشهاده المؤقته 100 جنيه بتحبيشها
اعمل الفيش 15 جنيه
اعمل شهاده الميلاد 8 جنيه

روح اتصور 6 صور ودانك يبقوا مطرطقين فيها ب 20 جنيه

خلصت الورق
روح النقابه هيقولولك روح اكشف علشان لو عندك حصبه متعديش زمايلك
الكشف بكام ب 300 جنيه زى الفل
بعدين روح تانى هيقولوك اختم الطلب من اتنين موظفين ومن محامى نقض او استئناف " الحمد لله حاجه ببلاش "

بعدين روح النقابه هيقولولك هات 2500 جنيه

روح اسحب فلوس تانى - استلف - اسرق ملناش فيه
بعدين روح النقابه وادفع الفلوس

وبعدين اوعي تنسي تسحب فلوس من البنك تاني علشان البدله 600 جنيه بتاحبيشها

و شويه مواصلات و اكل و الذي منه قول 200 جنيه
يعني حسبه 3700 جنيه

خدت الكارنيه خلاص ؟!

الف مبرووووووووووك بقيت محامى قد الدنيا

روح لمحامى بقى قوله شغلنى هيقولك هديك 200 جنيه

اشرب كوبايه شاى .