اجراءات استخراج كارنيه نقابة المحامين المصريه

- أولاً : سحب الطلب من النقابة الفرعية التابع لها .
- ثانيًا : إستيفاء الأوراق المطلوبة فى الطلب وهى :-
1- شهادة ميلاد أو مستخرج رسمى منها .
2- صحيفة الحالة الجنائية حديثة وموجهة للنقابة .
3- شهادة من أحد المحامين المعتمدين من النقابة بالنقد أو بالإستئناف العالى على الأقل كالنموذج الموضح فى الطلب .
4- شهادة تحديد موقفك من الخدمة العسكرية ( لمن يهمه الامر ) .
5- شهادة الحصول على الليسانس ( الشهادة المؤقتة ) .
6- إيصال تسديد نقود معتمد من النقابة .
7- ( 6 صور شخصية + صورة من البطاقة ) .
8- شهادة عن السمعة تعتمد من 2 موظفين من أحد المصالح الحكومية كالنموذج المرفق في ظهر الطلب .
9- شهادة من التأمينات .
10- شهادة تحركات من الجوازات .
- ثالثاً :-
- بعد أن يتم إستيفاء الأوراق المطلوبة يعتمد الطلب أولاً من النقابة الفرعية ويختم بختم النقابة بعد سداد رسوم الختم 2 جنية .
* الآن دور النقابة الرئيسية فى القاهرة *
- يبدأ العمل الساعة التاسعة صباحاً تذهب بجميع أوراقك أول ما تدخل على إيدك اليمين حتلاقى شباك تقديم الأوراق حيراجع الأوراق ويقولك روح هات إيصال الدفع من شباك 5 تروح شباك 5 وتقوله عايز أدفع جدول عام حيديك إستمارة تكتب فيها إسمك فى خانة الجزئى وتديها تانى لشباك 5 وهو حينادى إسمك تانى عشان يقولك تدفع فين وفى الغالب بيكون فى شباك 2 تدفع سيادتك في شباك 2 ( والرسوم إخوانى الأعزاء 1200 جنية مصرى )
تدفعهم وتاخد الإيصال عبارة عن أصل و 2 كربون تحتفظ بالكربون وتدى الأصل لأول شباك رحت فيه عشان تراجع الاوراق .
حياخد منك الإيصال ويديلك دوسيه وفيه جميع أوراقك تملأ البيانات الموجودة فى أول الدوسيه
كالإسم و العنوان و محل العمل اللى هو المكان اللى حتدرب فيه بس بخط كويس عشان دة ملفك فى النقابة اللى حيفضل معاك لأخر يوم .
حيحددلك يوم عشان تروح تانى تحلف اليمين وهو غالباً بيكون أول حد من شهر مارس وما تنساش تروح على الساعة 9 .
يومها تسال إمتى حيطلع الكارنية وهو يا أستاذنا حيتبعتلك على النقابة الفرعية التابع لها .منقول


المواضيع المتشابهه:
الاستفسار عن تجديد كارنيه المحاماة من جدول عام إلى إبتدائي
للمحامين الجدد ... مهارات تقديم الاستشارة القانونية ...
[استفسار] ما هي إجراءات التقدم للحصول على كارنيه نقابة المحامين من فضلكم ؟؟
عاجل : قرارات مجلس النقابة العامة للمحامين جلسة السبت 3 يوليو
ايه رأيكم نعمل كارنيه للمنتدى زى كارنيه دخول الجامعه زى ده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟