حقنة الديدان للكلاب والقطط

السلام عليكم
------------------

اخوانى واخواتى مربى القطط ...

اليوم سأتكلم معكم عن موضوع خطير جدا انتشر هذه الأيام ..

للأسف نتيجة لعدم وجود التخصص فى الدراسه البيطريه مع وجود

اكثر من شخص يدعى انه افضل من الطبيب البيطرى وينصح

باستخدام علاجات للقطط

للأسف بعض هذه العلاجات قد تسبب مشاكل لاحصر لها للقطط وتؤدى بها للموت

من هذه العلاجات وهيكون موضوعنا اليوم ...

الايفرميكتن ivermectin


المشهور فى الاسواق باسم ايفوماكivomec

زى مايقال (حقنه للديدان !! )




فى الاول هقولكم نبذه مختصره عن هذا المستحضر .... :


الإيفرمكتين ينتمى الى عائلة من المركبات
avermectin
بحرف ال a
التى تنتجها الكائنات الحيه الدقيقة
Streptomyces avermitilis
والذى كان اول من عزله من التربه فى اليابان.. فى اواخر القرن السابق
تستخلص هذه الماده و تنقي و يتم تحويلها صناعيا الي ماده اخري و هي ايفرمكتين المعروفه لدينا
ivermectin
بحرف ال i
Ivermectin is a member of the macrocyclic lactone class of endectocides

وتصنف صيدليا بانها مضادات حيوية ضعيفه




وزى ماعرفنا تكوين الماده ده واصلها .. تعالوا نعرف ازاى الماده ده بتشتغل :



مركب الأيفرمكتين يحفز ال
GABA
وهو ناقل كيميائي مثبط لأنتقال الأشارات العصبيه خلال ال
neuromuscular junction
فبيسبب شلل طرفي لل
nematodes and arthropods
طيب ده تاثيره على الحشرات الخارجيه والديدان

طيب ايه مشكلته بقى بالنسبه للقطط:


بعض فصائل القطط لديها حساسيه من المركب نتيجه نقص
في ناقل بروتيني معين في
blood brain barrier
وبالتالي يسمح بحريه دخول المركب للجهاز العصبي المركزي ويعمل نفس اللي
بيعمله في ال
neuromuscular junction
بتاع ال
nematodes and arthropods



اى بيعمل الاعراض ده فى القطط بعد حقنها وحدوث التسمم الدوائى من المستحضر :



Dilated pupils
1- اتساع حدقه العين


Depression & weakness
2- الضعف


Excessive drooling of saliva
3- نزول الرياله من الفم بكثره


Disorientation & tremors
4- تشنجات


ataxia
5- الترنح


Recumbency (inability to rise)
6- الاستلقاء وعدم القدره على التحرك والنهوض


Blindness
7- العمى وده بيحصل غالبا


(Bradycardia) Slow heart rate
8 - ضعف فى ضربات القلب


Anorexia (lack of appetite)
9- فقد الشهيه وعدم القدره على الاكل


Coma
10- الاغماءه


Slow respiratory rate
11- ثم بعد ذلك توقف التنفس تماما


occasionaly death
ثم الموت



وهذه الأعراض تختلف مدتها وحدوثها باختلاف درجة التسمم وكمية الدواء المحقون
فهناك بعض القطط التى تحدث بها هذه الاعراض وتموت فى اقل من ساعات
وهناك من يستمر لاكثر من يوم ثم يموت
وهناك من يستمر لاكثر من يوم ومع العلاجات والرعاية البيطريه يتماثل للشفاء


ولكن اكرر... ان هذه الاعراض وحالة التسمم تحدث لبعض فصائل القطط
وليس جميعها

فانا رأيت بنفسى (Doctor m) قططتم حقنها بهذه الدواء ولم يحدث لها شيئا وقطط اخرى تعرضت للحقن بهذا الدواء ومااتت فى اقل من ساعات وده الاغلب


وللأسف فال prognosis
لحالة التسمم بالإيفرمكتين سئ جدا
بمعنى ... اى فرصة العلاج بتاعته ومعادلة تاثير التسمم بالدواء.... ضعيفة جدا
حتى بعد التدخل الدوائى والعلاجى
ولكننا نحاول والله قادر على كل شئ




طيب تعالوا نشوفوا لاقدر الله لو حدث حالة تسمم للقط بعد حقنها بهذه المركب ياترى ممكن نعمل ايه


وطبعا لازم الدكتور البيطرى هوه اللى يتصرف
وممكن نتصرف احنا بالطريقه ده لو كان صعب علينا التوصل لدكتور بيطرى متخصص

اولا .. لو كان التسمم نتيجة ابتلاع جرعة زائده من المستحضر بالفم ..


هنخلى القط يرجع
باستخدام ملح انجليزى او باستخدام دواء ال xylazin
ونستخدم ايضا بعد ذلك
activated charcoal
عشان نقدر نعادل المستحضر ونمنع عمله


ثانيا .. طيب لو التسمم ده حدث بعد الحقن وده موضوعنا
هنقوم باستخدام المحاليل


fluid therapy as glucose 5% and saline ..etc
بكميات كبيره مناسبه لوزن القط على فترات قصيره
ليساعد على :
elimination of drug form blood through kidney
خروج المركب من الدم عن طريق الكلى



ودلوقتى هنلخص الموضوع بتاعنا الكبير ده فى نقط مهمه جدا:

اولا .. الايفرمكتين المصرح به فى انحاء العالم للاستخدام بالنسبه للقطط وبالاخص فى حالات heartworm بيكون فى صورة اقراص تركيزها ضعيف جدا ومناسب لوزنها بالميكروجرام وليس المللى جرام


اى استخدام اخر للمستحضر ده للقطط بيسمى
extra label use
اى اننا نستخدام الدواء فى غرض غير الغرض اللى صنع من اجله
لانه من الاصل صنع خصيصا لحالات
some of external and internal parasite in large animal
يعنى فى حيوانات الماشية زى البقر والجاموس والاغنام




وحتى هتلاقى على الزجاجه بتاعته ذلك ولم يذكر نهائى استخدامه فى القطط ولا الكلاب
بل تخيلوا جرعته فى الحيواناتالكبيره (المكتوبه على العلبه ) بالحقن 1مللى لكل 50 كيلو جرام
تخيلوا بقى لو استخدمناه فى قطه هنديها كام ؟؟
وبرضه هيكون خطر .... لان المفروض ان جرعته فى القطط
(mg/kg 0.024)
وده بيكون فى الاقراص ... مش للحقن ايضا



واخيرا ...


انصح مربى القطط جميعهم
بحظر استخدامه نهائيا مهما كان السبب
حتى لو كان الطبيب المعالج للحاله هيعطيها هذا الدواء
وايضا عدم التوجه للأشخاص ممن يدعوا انهم خبره فى القطط سواء من اصحاب المحلات او تجار القطط ومربى القطط
لانهم مهما كانت خبرتهم فخبرتهم فى تربية القطط وليست علاجها
اى لا يقومون بعمل الدكتور البيطرى المتخصص فى الحيوانات الاليفه
واكرر المتخصص


ومدام هناك ادويه اخرى ممكن استخدامه لعلاج الديدان وحالات الجرب
ليه منستخدمهاش ونبتعد عن هذا الدواء اللى خطورته اكبر بكتير جدا من نفعه


ليه نعرض القطه الرقيقه بتاعتننا اللى بتمدنا باحساس جميل فى حياتنا
ليه نعرضها للموت ولو حتى قصدنا نعالجها