شهادة التطعيمات والتراخيص للكلاب

شهاده التطعيمات الخاصه بالكلاب و الترخيص
من ‏‎Kareem Abd El-aZiz‎‏ في ‏‏3 يونيو، 2013‏، الساعة ‏05:33 مساءً‏‏
في الاول خالص لازم نجاوب علي سؤال بييجي في دماغ كل اللي عايز يربي كلب
.
هو انا لازم اطعم الكلب بتاعي ؟
.
و الاجابه طبعاً اننا لازم نطعم الكلاب بتاعتنا و بأنتظام و في المواعيد المحدده حرصاً علي سلامتها و سلامتنا احنا كمان حتي لو الكلب بتاعي مبيخرجش من البيت لان في امراض بتنتقل بين الكلاب من مسافه تصل الي 2 كم

.

طبعاً اي حد دلوقتي هيقولي طيب الحقني بقي و قولي ايه هي التطعيمات اللي لازم اطعمها لكلبي احسن انت قلقتني هقوله بص ياسيدي الموضوع بسيط خالص
.
.
اولا
.

الكلب بياخد تطعيم اسمه الثماني اول لما يتم 45 يوم و ده ضروري جداااااَ لانه بيحمي الكلب من 8

امراض مره واحده و بيبقي ثمن الحقنه ديه في حدود 70 جنيه و ده طبعاً بيختلف من مكان لمكان
ثانيآ تاني تطعيم بيبقي بعد مرور 21 يوم
من الحقنه اللي فاتت ( الثماني )
وده جرعه تنشيطيه برده ثماني عشان يبقي كده حصنا الكلب بتاعنا كويس جداً من امراض كتيره
في ناس بتقولك مش لازم ياخد الجرعه التنشيطيه ديه ... ديه مصاريف علي الفاضي
بس طبعاً يا جماعه الكلام ده غلط و الجرعه التانيه مهمه جداً
.
ثالثآ
.
ثالث تطعيم بقي و ده الاخير في سن من ( 4:6 ) شهور ... بيبقي تطعيم للكلب ضد
مرض السعار و ده تطعيم مهم جدا جدا و سعره فيحدود 60 جنيه
.
لانه بيحمي كلبك في حاله انه اتعض من كلب اخر غريب .... و كمان بيحميك انت كمان لان اللي في ناس كتيره اوي متعرفوش ان السعار ده من الامراض المشتركه بين الكلاب و الانسان يعني لو حضرتك اتعضيت من كلب مسعور انت كمان هيتنقلك مرض السعار لانه بيبقي محمول في لعاب الكلب و بينتشر في دم حضرتك لحد ما يوصل للمخ و تبدأ الاعراض تظهر و طبعاً لو ملحقتش نفسك لا قدر الله بيؤدي للوفاه ( ربنا يسترها معانا كلنا ) و بمجرد انك تطعم كلبك تطعيم السعار بيبقي
.
ممكن انك ترخص الكلب طيب حد هيقولي يعني ايه ارخص الكلب و لزمتها ايه الرخصه ديه ؟؟؟؟
.
هقوله بص يا سيدي : الترخيص ده عباره عن حلقه معدنيه بتعلقها في طوق الكلب بتستلمها من مديريه الطب البيطري بمجرد انك توريهم انك مطعم الكلب بتاعك ضد السعار و بتدفع رسوم بسيطه و فائده الترخيص ده بقي كذا حاجه
.

لو الكلب بتاعك عض حد غريب ميبقاش فيه مشكله او خطر قانوني عليك بأي شكل
.

ولو اي حد قتل الكلب بتاعك باي شكل حتي لو كانت دوريات الشرطه بتاعت الكلاب اللي بتمشي تقتل في الكلاب ديه .. بيبقي من حقك انك ترفع قضيه عليهم و تطالب بتعويض

.

في الشهاده اللي بتاخدها من البيطري اللي بيطعملك كلبك و بيلزقلك جواها استيكرات كدليل علي انك اديت لكلبك التطعيم الفلاني و ديه برده اللي بتستلم بيها الرخصه بتاعت كلبك يعني لازم تحافظ عليها كويس جداً عشان متضيعش
.

.
منقول